مقبوضہ بیت المقدس (این این آئی)مقبوضہ بیت المقدس کے ایک سرکردہ عیسائی پادری اور القدس عالمی کمیٹی برائے امن و انصاف کے سربراہ پوپ مینوئل مسلم نے کہا ہے کہ القدس خدا کا شہر ہے۔ کوئی بھی اسے ترک نہیں کرسکتا ہے۔ اسرائیلی ریاست کے ساتھ دوستی کرنے والوں کا فلسطینیوں کے ساتھ کوئی تعلق نہیں۔غیرملکی خبررساں ادارے کے مطابق فادر مسلم کی جانب سے اپنے فیس بک پیج پر شائع ایک بیان میں یہ بیان ایک ایسے وقت میں سامنے آیا جب گذشتہ جمعرات کو متحدہ عرب امارات نے اسرائیل کے ساتھ دوستانہ مراسم کے قیام کا اعلان کیا تھا۔
