29

ممتاز عالم دین اغوا


لاہور( این این آئی)مرکزی جمعیت اہلحدیث پاکستان کے نائب امیر ممتاز عالم دین حافظ عبد الحمید جہلمی کو نامعلوم مسلح افراد نے اغوا کرلیا۔حافظ عبدالحمید جہلمی کے عزیزمولانا ابوبکر صدیق کے مطابق انہیں گزشتہ رات جہلم میں اس وقت اغوا ء کیا گیا جب وہ مسجد سے ملحقہ اپنی رہائش گا ہ پر آرام فرما رہے تھے۔ رات کی تاریکی میں نامعلوم مسلح افراد مسجد کا دروازہ توڑ کر اندر داخل ہو ئے اور انہیں زبردستی اغوا ء کرکے لے گئے۔ مرکز سے جاری پریس ریلیز میں مولانا ابوبکر صدیق کے حوالے سے کہا گیا ہے کہ واقعہ کی ایف آئی آر بھی درج کرائیں گے اور عدالت بھی جائیں گے۔ مرکزی جمعیت اہلحدیث پاکستان کے سربراہ سینیٹر پروفیسر ساجد میر نے اغوا ء کے اس واقعہ پر گہری تشویش کا اظہار کیا ہے اور اس کی شدید الفا ظ میں مذمت کی ہے۔اپنے بیان میں ان کا کہنا تھا کہ حافظ عبدالحمید جہلمی ہماری جماعت کے سینئر رہنما اور ملک کے نامور عالم دین ہیں، ایک بے ضرر اور امن کے داعی راہنما کا اغوا ء ہونا انتظامیہ اور

 

سکیورٹی اداروں کی غفلت اور لاپرواہی کا نتیجہ ہے۔ملک میں امن وامان کی صورتحال کو خراب کرنے کی کوشش کی جارہی ہے۔ افسوس ناک امر یہ ہے کہ شرپسند عناصر دندناتے پھر رہے ہیں اور پرامن لوگوں کا جینا مشکل کیا جارہا ہے۔حافظ عبدالحمید جہلمی ضلعی و صوبائی امن کمیٹی کے رکن اور جامعہ علوم اثریہ جہلم کے مہتمم ہیں اور وہ انتہا پسندی اور شدت پسندی کے ہمیشہ مخالف رہے ہیں۔ انہوں نے قانون کی بالادستی

اور ریاستی اداروں سے ہمیشہ تعاون کیا اور محبت وطن رہنما کے طور پر ہمیشہ بھائی چارے اور ہم آہنگی کی بات کی۔ وہ ہزاروں کی تعداد میں بچوں کی تعلیم کے لئے چلنے والے اداروں کی سرپرستی کر رہے تھے۔ ہم اداروں سے مطالبہ کرتے ہیں انہیں فوری بازیاب کرایا جائے۔70 سال کے بوڑھے حافظ عبدالحمید پہلے ہی دل کے عارضہ کا شکار ہیں۔ دریں اثنا مرکزی جمعیت اہل حدیث کے ناظم اعلی ڈاکٹر حافظ عبدالکریم، چیف آرگنائزر حافظ ابتسام لہی ظہیر نے بھی اس واقعہ کی مذمت کی ہے اور فوری بازیابی کا مطالبہ کیا ہے۔



اس وقت سب سے زیادہ مقبول خبریں


تازہ ترین خبریں
16 8
پیپلز پارٹی کا (ق) لیگ کے حوالے سے بڑا فیصلہ
15 10
پہلا روزہ اور عید کب ہوگی
14 11
2023ء میں پاکستان کا وزیر اعظم کون ہوگا؟ بڑی پیشگوئی
13 12
تنخواہوں میں بڑے اضافے کی تیاریاں
12 11
(ن) لیگ کا بلدیاتی اداروں پر کنٹرول بحال
11 11
بلاول بھٹو کو وزیر اعظم بنوانے کی کوششیں تیز

تازہ ترین ویڈیو
23
امت مسلمہ کے ہیرو صلاح الدین ایوبی کے قول کے پیچھے چھپی سچی کہانی
27 2
یہ وہ جھوٹ ہے جوہر لڑکی ضرور بولتی ہے
2
کرونا وبا کب اور کیسے ختم ہو گی ؟ 1400 سال پہلے حضور اکرم ﷺ کی نشاندہی ، جان کر آپ پھولے نہ سمائیں گے
4 7
جھگڑالو بیوی نعمت خدا وندی مگر کیسے
3 9
کیسے لڑکیوں کو خواب دکھا کر تباہ کیا جاتا ہے ایک سچا واقعہ
52394
الطاف حسین نے آخری وقت میں ہندو مذہب کیوں اختیار کیا،کرونا سے ڈر کر یا ہندووں کی محبت میں

دلچسپ و عجیب
15 7
وہ سربراہ جسے دفنانے کیلئے کئی بار قبر کھودی گئی مگر اندر ایک کالاسانپ نکلا
9 1
کرونا وائرس کی وبا کے دوران میاں بیوی ازدواجی تعلقات قائم رکھ سکتے ہیں ؟
20 8
دریا ’’نیل‘‘ کے نیچے زیر زمین کونسا دریا بہتا ہے
Copyright © 2017 insafnews.pk All Rights Reserved
About Us | Privacy Policy | Discaminer | Contact Us