8

کلبھوشن کی سزا معاف کرنے کی تیاری کی جا رہی ہے،رانا ثناء اللہ کا دعویٰ


اسلام آباد(آن لائن)مسلم لیگ(ن) کے سینئر رہنما رانا ثناء اللہ نے کہا ہے کہ ماضی میں مسلم لیگ(ن) پر غداری اور کفر کے فتوے لگائے گئے، اب پی ٹی آئی حکومت خود ہی بھارتی جاسوس کلببھوشن کی سزا معاف کرنے کی تیاریاں کررہی ہے، حکومت نے کلبھوشن کیلئے خفیہ آرڈیننس جاری کیا جس پر ہمیں اعتراض ہے، اگر یہ پارلیمنٹ میں لایا جاتا تو اور بحث کے بعد منظور ہوتا تو ہمیں کوئی اعتراض نہ ہوتا۔نجی ٹی وی سے گفتگو کرتے ہوئے رانا ثناء اللہ نے کہا کہ ہمارے دور میں بھارتی

جاسوس کلبھوشن یادیو جب پکڑا گیا اوریہ معاملہ بھارت کی جانب سے اقوام متحدہ کی سلامتی کونسل میں گیا تو اس پر تحریک انصاف نے جو غداری اور کفر کے فتوے لگائے وہ سب میڈیا کے ریکارڈ پر موجود ہیں اگر ہم ان تمام باتوں کو سامنے رکھیں تو موجودہ حالات میں کلبھوشن کے معاملے پر مسلم لیگ (ن) نے کوئی حکومت کیخلاف فتویٰ جاری نہیں کیا بلکہ ایک دو چیزوں پر پوری اپوزیشن نے اعتراض کیا ہے جن میں وہ خفیہ آرڈیننس بھی شامل ہے جو حکومت نے جاری کیا، ہمیں اس پر صرف یہ اعتراض ہے کہ حکومت اس کو پارلیمنٹ میں بحث کیلئے کیوں نہیں لائی اگر یہ پارلیمنٹ میں معاملہ آتا تو تمام جماعتیں اس پر بحث کرتیں اور اگر یہ منظور ہوبھی جاتا تو اس سے عالمی سطح پر پاکستان کا جذبہ خیر سگالی اجاگر ہوتا۔انہوں نے کہاکہ مقبوضہ کشمیر میں بھارت جو ظلم ڈھا رہا ہے اس پر سلامتی کونسل کیوں ایکشن نہیں لیتی، حکومت سلامتی کونسل پر مسئلہ کشمیر کے حل کیلئے دباؤ کیوں نہیں ڈالتی؟ اگر کلبھوشن کے معاملے پر حکومت پر کوئی سلامتی کونسل دباؤ ڈال سکتی ہے تو ہم بھی مسئلہ کشمیر کے حوالے سے اس پر دباؤ ڈال سکتے ہیں، ہمیں مسئلہ کشمیر کے حل پر بھی زور دینا ہوگا،

سوال یہ پیدا ہوتا ہے کہ سلامتی کونسل کو کشمیریوں پر ہوتا ظلم نظر نہیں آرہا ہے اور کلبھوشن سے اتنی ہمدردی ہے کہ وہ یہ معاملے جلد ازجلد حل کرانا چاہتے ہیں۔حکومت کی جانب سے کلبھوشن کو این آر او دینے کے سوال پر انہوں نے کہا کہ این آر او کا مطلب ہے سزا معاف کردینا اس پر میں صرف اتنا کہوں گا کہ ابھی کلبھوشن کی سزا معاف نہیں ہوئی تاہم حکومت کلبھوشن کی سزاء معاف کرنے کی تیاری ضرور کررہی ہے۔ایک اور سوال پر انہوں نے کہاکہ یہ بات سچ ہے کہ تحریک انصاف کی جانب سے مسلم لیگ(ن) پر غداری اور کفر کے فتوے لگائے گئے مگر ہم کسی پر یہ فتوے نہیں لگائیں گے، جو بھی سیاستدان پاکستان اور پاکستانی عوام کے مفاد میں کام کرے گا وہ ہمارے لئے قابل احترام ہے۔



اس وقت سب سے زیادہ مقبول خبریں


تازہ ترین خبریں
19
پی ٹی آئی نے بلوچستان حکومت سے علیحدگی پر غور شروع کر دیا
18
وزیر اعظم ہاؤس بلا کر عمران خان مجھے کیا کہتے رہے؟ بشیر میمن کے تہلکہ خیز انکشافات
17
بجلی سستی کیے جانے کا امکان
16
نواز شریف کے 3 قریبی ساتھی کس اعلیٰ شخصیت سے ملے؟ بڑی خبر
15
عید کے بعد کیا کرنا ہے؟ حکمت عملی تیار
14
الطاف حسین نے آخری وقت میں ہندو مذہب کیوں اختیار کیا

تازہ ترین ویڈیو
23
امت مسلمہ کے ہیرو صلاح الدین ایوبی کے قول کے پیچھے چھپی سچی کہانی
27 2
یہ وہ جھوٹ ہے جوہر لڑکی ضرور بولتی ہے
2
کرونا وبا کب اور کیسے ختم ہو گی ؟ 1400 سال پہلے حضور اکرم ﷺ کی نشاندہی ، جان کر آپ پھولے نہ سمائیں گے
4 7
جھگڑالو بیوی نعمت خدا وندی مگر کیسے
3 9
کیسے لڑکیوں کو خواب دکھا کر تباہ کیا جاتا ہے ایک سچا واقعہ
52394
الطاف حسین نے آخری وقت میں ہندو مذہب کیوں اختیار کیا،کرونا سے ڈر کر یا ہندووں کی محبت میں

دلچسپ و عجیب
11
دفنانے کیلئے کئی بار قبر کھودی گئی مگر اندر ایک کالاسانپ نکلا
15 7
وہ سربراہ جسے دفنانے کیلئے کئی بار قبر کھودی گئی مگر اندر ایک کالاسانپ نکلا
9 1
کرونا وائرس کی وبا کے دوران میاں بیوی ازدواجی تعلقات قائم رکھ سکتے ہیں ؟
20 8
دریا ’’نیل‘‘ کے نیچے زیر زمین کونسا دریا بہتا ہے
Copyright © 2017 insafnews.pk All Rights Reserved
About Us | Privacy Policy | Discaminer | Contact Us