ایسا کرتے ہیں ، لائن آف کنٹرول پر گولہ باری بند کردیتے ہیں ‘ اور ایس ایس جی کو بھی ہٹا دیتے ہیں پاکستان نے بھارت کو بہت بڑی پیشکش کرڈالی


نئی دہلی(اے این این ) پاکستان نے بھارت کو کنٹرول لائن کشیدگی کم کرنے اور تعلقات بہتر بنانے کیلئے ایک اور پیشکش کرتے ہوئے تجویز دی ہے دونوں ملک کنٹرول لائن پر گولہ باری بند کریں اور اسپیشل سروس گروپ کو ہٹایا جائے،اس مقصد کیلئے پاکستان اقدامات اٹھانے کیلئے تیار ہے ۔ بھارتی میڈیا کے مطابق پاکستان نے بھارت کے ساتھ تعلقات بہتر

بنانے کیلئے ایک بار پھر پہل کی ہے ۔بھارتی وزارت دفاع نے وزیر اعظم نریندر مودی کے دفتر کو ایک رپورٹ بھیجی ہے جس میں کہا گیا ہے کہ حالیہ ایام میں پاکستان کی جانب سے لائن آف کنٹرول پر کشیدگی کم کرنے کیلئے کئی اقدامات کو بروئے کار لانے کی مصدقہ اطلاعات موصول ہوئی ہیں۔رپورٹ میں کہا گیا ہے کہ پاکستان نے اس کا آغاز کنٹرول لائن (ایل اوسی) سے کی ہے، اس کے تحت اسلام آباد سرحد پرامن چاہتا ہے۔رپورٹ میں کہا گیا ہے کہ پاکستان چاہتا ہے کہ وہ ہندوستان کے ساتھ اچھے رشتوں کا آغازکرے، جس سے ملک کی گرتی معیشت کو بچایا جاسکے۔ہندوستان ٹائمز میں شائع خبرکے مطابق ہندوستان اورپاکستان کے درمیان بارڈرپرمسلسل بڑھتی کشیدگی کے درمیان دونوں ممالک کے فوجی مہم کے ڈائریکٹرجنرل مسلسل ایک دوسرے کے رابطے میں ہیں، اسی بات چیت کے دوران پاکستان کی طرف سے تجویزکی پہل کی گئی ہے۔پاکستان کی طرف سے تجویزمیں کہا گیا ہے کہ وہ سرحد پرتنائوکم کرنے کو تیارہے۔پاکستان نے تجویز دی ہے کہ وہ اسپیشل سروس گروپ (ایس ایس جی) کو کنٹرول بارڈ رسے ہٹا دے گا۔ اسی کے ساتھ پاکستان کی طرف سے کہا گیا ہے کہ ہندوستان پرہونے والی گولہ باری کو بھی بند کردیا جائے گا۔ بھارتی وزیراعظم دفترکوبھیجی گئی رپورٹ میں وزارت دفاع نے کہا ہے کہ پلوامہ حملے کے بعد سرحد پر کوئی دراندازی نہیں ہوئی ہے اور پاکستانی فوج کی نقل و حرکت میں بھی کمی آگئی ہے۔ رپورٹ کے مطابق پاکستان نے لائن آف کنٹرول پر پر امن صورتحال بنائے رکھنے کیلئے BATکی حوصلہ شکنی کی ہے نیز کنٹرول لائن کیساتھ ساتھ کہیں پر بھی دراندازی کرانے کے لئے لانچنگ پیڈ دکھائی نہیں دے رہے ہیں۔ رپورٹ میں مزید کہا گیا ہے کہ یہ صورتحال راجوری اور پونچھ میں کنٹرول لائن پر بخوبی دیکھی گئی ہے۔ایک سنیئر آفیسر کا کہنا ہے ’’ پاکستان کی طرف سے زمینی صورتحال میں کشیدگی کم کرنے کے اقدامات دکھائی دے رہے ہیں،حالانکہ موسم بہار کی آمد کیساتھ ساتھ بھارت نے جب نئے بنکروں کی تعمیر یا پرانے بنکروں کی تجدید کی تو غیر متوقع طور پر پاکستان نے کوئی مداخلت نہیں کی‘‘۔غورطلب ہے کہ پلوامہ حملے کے بعد سے دونوں ممالک کے درمیان کشیدگی میں اضافہ ہوگیا تھا اورپاکستان نے کنٹرول بارڈ پراسپیشل فورسیز اورفوج کی ٹکڑی کوتعینات کردیا تھا۔





اس وقت سب سے زیادہ مقبول خبریں


تازہ ترین خبریں
اب پچھتانے کے سوا کوئی چارہ نہیں
جون 2020 سے امارات واپس آنے کی اجازت
شوہر نے اپنی بیوی پر کوبرا سانپ پھینک کر اسے قتل کر دیا
طیارہ حادثے کا سارا ملبہ پائلٹ پر ڈال دیاگیا
معروف ماہر علم نجوم نے بڑی پیش گوئی کردی
چین نے بھارت کے ساتھ سرحد پر واقع متنازعہ علاقے پر کنٹرول حاصل کرلیا

تازہ ترین ویڈیو
شوہرکرنل بیوی سے بھی دو قدم آگے
جھگڑالو بیوی نعمت خدا وندی مگر کیسے
کیسے لڑکیوں کو خواب دکھا کر تباہ کیا جاتا ہے ایک سچا واقعہ
اپنے محمدؐ کو مدد کیلئے کیوں نہیں بلاتے
پریش راول نے اسلام قبول کر لیا ؟
کہیں عوام کو سستی دوا نہ مل جائےپاکستانی ڈاکٹر کی تیارکردہ کورونا کی ویکسین کی راہ میں ڈرگ مافیہ آڑے آگیا،سنیں ڈاکٹر کی زبانی

دلچسپ و عجیب
کرونا وائرس کی وبا کے دوران میاں بیوی ازدواجی تعلقات قائم رکھ سکتے ہیں ؟
کورونا وائرس کے ذریعے پوری دنیا میں کرفیو
دریا ’’نیل‘‘ کے نیچے زیر زمین کونسا دریا بہتا ہے
جو ں جوں وقت گزرتا جاتا ہے تو پتہ چلتا ہے کہ جو اللہ اوراس کے رسول نے کہا وہی درست ہے
سیاستدان سیاست میں آنے سے پہلے کیا کیا کرتے تھے
کرونا وائرس ,احتیاطوں کے ساتھ یہ تسبیحات روز کی جائیں، انتہائی مفید معلومات
پنڈتوں نے کورونا وائرس سے بھگوان کو بچانے کے لیے اُن کو ماسک پہنا دیا
ہم سب کے موبائل فون ”میرا جسم تیری مرضی“ سے لبالب
Copyright © 2017 insafnews.pk All Rights Reserved
About Us | Privacy Policy | Discaminer | Contact Us
ArabicEnglishUrdu
error: Content is protected !!