میرے پاس فیصلہ کرنے کا اختیار نہیں، مشیر توانائی ندیم بابر نے ہاتھ کھڑے کر دیے


اسلام آباد (این این آئی) وفاقی وزیر توانائی عمر ایوب اور مشیر توانائی ندیم بابر نے پٹرولیم مصنوعات کی قیمتوں میں اضافے پر اپوزیشن کی تنقید کو مسترد کرتے ہوئے کہا ہے کہ (ن )لیگ نے مافیاز کو تحفظ دیا ، ہم تحقیقات کر کے مافیاز کو روکیں گے ، پٹرولیم مصنوعات کی قلت کی ذمہ دار آئل کمپنیاں ہیں ، اوگر اکارروائی کرے ،اوگرا کے جرمانے ناکافی ہیں،نئے سسٹم سے ڈپو کی سیل روزانہ اوگرا کو مہیا کی جائے گی، اوگرا کو مضبوط نہیں کیا تو مستقبل میں پھر ایسی صورتحال پیدا ہوسکتی ہے،۔آئل مارکیٹگ کمپنیاں (او ایم سیز) 21دن کا پیٹرول ذخیرہ کرنے کی پابند ہیں ، بشمول پاکستان اسٹیٹ آئل (پی ایس او) کسی کے پاس طے شدہ قوانین کے مطابق تیل ذخیرہ نہیں تھا،حکومت پاکستان کے الیکٹرک کو 850 میگاواٹ دے رہے ہیں،کے الیکٹرک کو قومی گرڈ سے بجلی لینے

کیلئے مزید گرڈ سٹیشن بنانے ہوں گے۔وفاقی وزیر توانائی عمر ایوب خان نے مشیر توانائی ندیم بابر کے ہمراہ پریس کانفرنس سے خطاب کرتے ہوئے کہاکہ مسلم لیگ ن کے دور میں پٹرول پر ٹیکس کمائی کی گئی ۔ انہوںنے کہاکہ پاکستان میں ایشیا کی سب سے تیل کی سب سے کم قیمت ہے،ہمارا مقابلہ مافیاز سے ہے،حقائق عوام کے سامنے رکھیں گے۔ندیم بابر نے کہاکہ 18 مئی کو پی ایس او نے 21 ڈالر کا سودا کیا،20 جون کا کارگو 44 ڈالر 54 سینٹس تھا،پٹرول کی قیمت میں ایک سو بارہ فیصد اضافہ ہوا،وزیر اعظم کی ہدایت ہے کہ عوام کو اصل قیمت پر پٹرول فراہم کریں۔ انہوںنے کہاکہ 28 فروری کو پٹرول کی قیمت تھی 116 روپے فی لیٹر ،ہم نے 42 روپے فی لیٹر قیمت کم کی۔ انہوںنے کہاکہ عالمی مارکیٹ میں خام تیل کی قیمت دگنا ہو گئی۔انہوںنے کہاکہ یکم جولائی کو قیمت میں اضافہ کرتے تو 32 روپے فی لیٹر اضافہ ہوتا،پٹرولیم مصنوعات کی قلت کی ذمہ دار آئل مارکیٹنگ کمپنیاں ہیں،اوگرا کو ہدایت کی ان کے خلاف کارروائی کرے۔ انہوںنے کہاکہ پی ایس او سے 78 فیصد زیادہ پٹرول درآمد کروایا گیا،اوگرا کو مزید با اختیار بنانے کی ضرورت ہے،نو ہزار رجسٹرڈ پٹرول پمپ جبکہ پندرہ سو غیر قانونی پمپس ہیں۔ندیم بابر نے کہاکہ اوگرا کے جرمانے ناکافی ہیں،نئے سسٹم سے ڈپو کی سیل روزانہ اوگرا کو مہیا کی جائے گی،نو ہزار پٹرول پمپس کی روزانہ سیل بھی اوگرا کو مہیاء کی جائے گی۔ انہوںنے کہاکہ گزشتہ سال جون

کے مطابق 32 فیصد زیادہ پٹرول استعمال کیا گیا۔عمر ایوب خان نے کہاکہ مسلم لیگ ن کے دور میں بھی تحقیقات ہوئیں ،وزیر خزانہ اسحاق ڈار نے طارق کھوسہ کو مزید تحقیقات کرنے سے روک دیا،ن لیگ نے مافیاز کو تحفظ دیا،ہم تحقیقات کریں گے اور مافیاز کو روکیں گے۔عمر ایوب نے کہاکہ پٹرولیم لیوی اور جی ایس ٹی فنانس بل کے تحت لگائی گئی،اوگرا صرف حساب کتاب کرتا ہے،فیصلہ ہمیشہ وزارت خزانہ کرتی ہے،ندیم بابر کا وزارت بجلی سے کوئی تعلق نہیں۔ ندیم بابر نے کہاکہ یکم مارچ 2016 کو جی ایس ٹی 71 فیصد تک بڑھایا گیا، اب جی ٹی ایس 17 فیصد اور پٹرولیم لیوی 30 روپے فکس ہے ،میں نے اپنے اثاثے کابینہ ڈویژن میں جمع کروا دیئے ہیں، وزیر اعظم کی صوابدید ہے ک

اثاثے پبلک کرنے ہیں کہ نہیں، اس سال جنوری تک پٹرولیم لیوی 12 سے 18 روپے فی لیٹر تک رہا ۔ندیم بابرنے کہاکہ میرے پاس فیصلہ کرنے کا اختیار نہیں،بطور مشیر میں صرف مشورہ دے سکتا ہوں۔ انہوںنے کہاکہ تمام آئل مارکیٹنگ کمپنیوں سے رجسٹرڈ پٹرول پمپس کی فہرست مانگی تھی،غیر رجسٹرڈ پٹرول پمپس کو سیل کر دیا جائے گا۔عمر ایوب نے کہاکہ کے الیکٹرک نے اپنا اندرونی نظام بنانا ہے،حکومت پاکستان کے الیکٹرک کو 850 میگاواٹ دے رہے ہیں،کے الیکٹرک کو قومی گرڈ سے بجلی لینے کیلئے مزید گرڈ سٹیشن بنانے ہوں گے،کراچی کے عوام کیلئے حکومت کے الیکٹرک کو ہر ممکن سہولت فراھم کر رہی ہے۔



اس وقت سب سے زیادہ مقبول خبریں


تازہ ترین خبریں
ایوی ایشن حکام نے بھی حادثے کی تصدیق کرڈلی
ففتھ جنریشن لڑاکا طیارہ بھی قرار دیا جارہا ہے
میڈ اِن پاکستان ’’وینٹی لیٹرز‘‘ کا پہلا بیج این ڈی ایم اے کے حوالے
نامور رُکن اسمبلی تحریک انصاف میں شامل
1 ارب مالیت سے زائد کی چینی برآمد
زرتاج گل نے بینک منیجر کو چیک کیش کرنے سے کیوں منع کیا

تازہ ترین ویڈیو
مجرب وظیفہ تسبیح سے بندشریانیں بھی کھل جائیں
عمران خان ہم ایک بدقسمت قوم ہیں،خلیل الرحمان
کورونا بیماری کے علاج کی سستی دوا دریافت
کرونا تحقیق میں نئی پیچیدگی کا انکشاف
کرونا وبا کب اور کیسے ختم ہو گی ؟ 1400 سال پہلے حضور اکرم ﷺ کی نشاندہی ، جان کر آپ پھولے نہ سمائیں گے
انشا ءاللہ وباء مئی اور جون کے درمیان ختم ہو جائے گی

دلچسپ و عجیب
کرونا وائرس کی وبا کے دوران میاں بیوی ازدواجی تعلقات قائم رکھ سکتے ہیں ؟
کورونا وائرس کے ذریعے پوری دنیا میں کرفیو
دریا ’’نیل‘‘ کے نیچے زیر زمین کونسا دریا بہتا ہے
جو ں جوں وقت گزرتا جاتا ہے تو پتہ چلتا ہے کہ جو اللہ اوراس کے رسول نے کہا وہی درست ہے
سیاستدان سیاست میں آنے سے پہلے کیا کیا کرتے تھے
کرونا وائرس ,احتیاطوں کے ساتھ یہ تسبیحات روز کی جائیں، انتہائی مفید معلومات
پنڈتوں نے کورونا وائرس سے بھگوان کو بچانے کے لیے اُن کو ماسک پہنا دیا
ہم سب کے موبائل فون ”میرا جسم تیری مرضی“ سے لبالب
Copyright © 2017 insafnews.pk All Rights Reserved
About Us | Privacy Policy | Discaminer | Contact Us
EnglishUrdu